Троен самит за мигрантите во февруари 2016-та

Грција ќе иницира трилатерален самит со учество на грчкиот премиер Алексис Ципрас, германската канцеларка Ангела Меркел и турскиот претседател Реџеп Тајип Ердоган, посветен на бегалската криза, најави шефот на грчката дипломатија Никос Коѕиас.

За трилатералниот состанок се уште не е утврден точен датум, но се очекува тој да се одржи во почетокот на февруари идната година, на островот Хиос.

Од почетокот на годината, повеќе од 750.000 бегалци и мигранти преку Егејско Море пристигнале од Турција во Грција.