Ирачките сили во офанзива за ослободување на Рамади од ИД

Ирачките сили влегоа во центарот на Рамади во вториот ден од офанзивата за ослободување на градот од Исламска Држава.

Специјалците ги чистат џихадистите улица по улица, соочувајќи се со снајперисти и бомбаши-самоубијци. Коалициските сили предводени од САД проценуваат дека во градот има уште 350 милитанти и десетици илјади цивили.

Има извештаи дека ИДИЛ ги собира луѓето за да ги употреби како човечки штит. Властите се надеваат дека ќе ја вратат контролата врз Рамади до викендов.