„Југохром“ ќе ги исклучи печките поради загадувањето

Комбинатот „Југохром“ од тетовско Јегуновце става клуч на врата. Менаџментот на компанија донесе одлука капацитетот да престане со работа од нова година до крајот на февруари поради загадувањето.

Од менаџментот велат дека иако не се единствениот и најголем загадувач во регионот, доброволно донеле одлука да ги изгаснат двете печки кои сега се во функција.

Од компанијата информираат дека ќе продолжат со сите планирани активности за имплементација на еколошките стандарди, согласно законските прописи.

Уверуваат дека  инсталирањето на системот за отпрашување ќе биде завршено во планираниот рок.