СЈО ги очекува материјалите и бара активна соработка

Откако во јавноста се постави прашањето кога СДСМ ќе ги предаде бараните материјалите кај обвинителката Катица Јанева, од Jавното обвинителство за гонење на кривични дела, поврзани и кои произлегуваат од содржината на незаконското следење на комуникациите, велат дека очекуваат – материјалите да им бидат предадени и сите  субјекти да започнат активно да соработуваат со ова јавно обвинителство.

Соработката со субјектите до кои се обраќаме, без оглед за кого станува збор е отежната и во оваа насока наш конкретен став за ваквата отежната соработка и мерките кои ќе бидат преземени од наша страна, ќе биде соопштен во средината на јануари, информираат во денешното соопштение од специјалното Јавно обвинителство.

Оттаму информираат дека е во тек постапката за добивање безбедносни сертификати за јавните обвинители, за работа со класифицирани информации со степен на класификација „државна тајна“.