Домашната компанија „Технопласт“ ќе инвестира во Бунарџик
По „Хај-тек“ уште една македонската компанија ќе гради во индустриската зона Бунарџик. „Технопласт“ ќе вложи 10 милиони евра. Инвестицискиот циклус ќе се одвива во две фази. Планирани се 200 вработувања.
Нов договор за инвестиција во индустриската зона Бунарџик. По „Хај-тек“ уште една македонската компанија ќе гради во индустриската зона Бунарџик. „Технопласт“ ќе вложи 10 милиони евра. Инвестицискиот циклус ќе се одвива во две фази. Планирани се 200 вработувања. Производите за автомобилската и електронската индустрија ќе бидат исклучиво за извоз.
„Во првата фаза ќе бидат инвестирани шест милиони евра за изградба на објектот и за набавка на нова опрема. Ќе се вработат сто државјани на Република Македонија. Во втората фаза ќе бидат вложени четири милиони евра, ќе се вработат уште 100 лица, и ќе се инвестира во нова опрема и развој на технологии“, изјави сопственикот на компанијата, Борче Тодоровски.
Како што информира директорот на Дирекцијата на ТИРЗ, Виктор Мизо, објектот ќе се протега на површина од 3.000 метри квадратни, а компанијата има закупено површина од околу 12 илјади метри квадратни.