Лиценци за проценители на тутун
До 15 јануари ќе трае пријавувањето за полагање на испитите за добивање на лиценци за проценка на тутунот. Кандидатите кои ги исполнуваат условите, првиот теоретски дел од испитот ќе го полагаат на 25 јануари...
Кандидатите кои сакаат да полагаат испит за добивање лиценца за проценка на тутунот треба да бидат со соодветно високо, вишо или средно образование од областа на технологијата за производство и обработка на тутун.
Доколку имаат несоодветно образование треба да се производители на тутун најмалку пет години.
Барањето за полагање треба да го поднесат до Министерството за земјоделство.
Испитот се состои од два дела, и тоа теоретски со електронски тест и втор практичен дел.
Трошоците за полагање на испитот ги плаќа кандидатот во висина од 2.500 денари.
Методија Трајков