Бан Ки Мун апелира за деескалација на тензиите меѓу Саудиска Арабија и Иран

Генералниот секретар на ОН, Бан Ки Мун апелираше до Саудиска Арабија и до Иран да ги поддржат мировните напори во Сирија и во Јемен и да избегнат натамошна ескалација на тензијата.

Саудиска Арабија ги прекина дипломатските односи со Иран, по нападот врз нејзината амбасада во Техеран, откако Ријад го погуби истакнатиот шиитски свештеник Ал Нимра.

И Турција ја осуди егзекуцијата на висок шиитски свештеник во Саудиска Арабија, бидејќи Анкара е против смртна казна, додавајќи дека тоа не придонесува за мирот во регионот.