Tурција планира да воведе работни визи за сириските бегалци

Турција планира да започне со издавање на работни визи на сириските бегалци, со што би се намалил нивниот притисок за заминување во европските земји, соопшти денеска тускиот министер за европски прашања Волкан Бозкир.

Бројот на илегални имигранти во 2015 година изнесуваше над 150.000 лица, а турските власти секојдневно пресретнуваа по околу 500 имигранти, изјави Бозкир во Анкара по средбата со потпретседателот на Европската комисија, Франс Тимерманс.

Турција лани се обврзна на преземање мерки за намалување на приливот на имигрнати од нејзина територија кон европските земји, а за возврат Брисел и вети финансиска помош од три милијарди евра, забзрување на процесот на преговори за членство во ЕУ и укинување на визниот режм за турските граѓани при патување во државите членки.