Експлозија во центарот на Истанбул

Силна експлозија одекна претпладнево на централниот истанбулски плоштад „Султанахмед“, кој е едно од главните туристички атракции на најголемиот град во Турција.

Според агенцијата Анадолија, при експлозијата загинале најмалку 10 лица, а околу 15 се ранети, меѓу кои некои се и во критична состојба.

На местото на настанот пристигнаа поголем број полициски, амбулантни и противпожарни возила, а полицијата го блокира целиот реон околу плоштадот.

Причините за експлозијата засега не се познати. Според непотврдени информации, нападот го извршил бомбаш-самоубиец.