Oткупени 1.500 тони тутун во струмичко

Во изминатите триесет дена од годинашната откупна сезона, во струмичко се откупени околу 1.500 тони тутун, или 50 отсто од минатогодишната реколта.

Според претседателот на групацијата за тутун, Никола Стаменов, откупот на тутунот во струмичко се одвива според планираната динамика и без значителни проблеми.

„Дневно на дваесетте откупни пункта се откупуваат по над 50 тони тутун, се врши реална проценка на квалитетот, согласно утврдените мустри. И во струмичко, просечната цена за килограм тутун е 175 денари, просек кој до крајот на откупот сигурно ќе се зголеми“, изјави Стаменов.

Досега е забележан само еден случај на барање за проценка на тутунот од второстепена комисија.