Груевски за „Лидерс“: Предностите на Македонија

Владата има пет стратегиски приоритети, кои се еднакво значајни. Првиот е да го реализираме планот за членство во НАТО и во Европската унија и да најдеме решение како да го направиме тоа без Грција да го попречи членството во двете организации, вели премиерот Груевски во интервју за американскиот магазин „Лидерс“.

Втората исклучително значајна стратегија е поврзана со економијата, третата цел е одржување добри внатрешни односи. Според Груевски, следниот од приоритетите е поврзан со владеењето на правото, а петтиот е образованието.

Македонија има политичка и макроекономска стабилност, а една од најатрактивните предности што ги нуди државата е што има меѓу најниските трошоци за водење бизнис во европа, оценува македонскиот премиер.

Најголемиот предизвик во економијата, според Груевски е намалување на стапката на невработеност, која сега е до 26 проценти.