За еден месец откупени над 10.000 тони тутун, просечна цена 186 денари
Според податоците од Државниот инспекторат за земјоделство, исплатата во актуелната реколта е реализирана со 76 насто и досега се исплатени нешто повеќе од 23 милиони евра.
За еден месец се откупени над 10 илјади тони тутун од годинашната реколта, соопшти Министерството за земјоделство. Просечната откупна цена е 186 денари по килограм, а кај одредени откупувачи и над 190 денари.
Според податоците од Државниот инспекторат за земјоделство, исплатата во актуелната реколта е реализирана со 76 насто и досега се исплатени нешто повеќе од 23 милиони евра.
Откупот се врши на вкупно 186 ваги на 152 откупни места, а динамиката тече без проблем и според договорите меѓу тутунопроизводителите и откупувачите, велат од ресорот.
Од реколта 2015-та се очекува да бидат откупени над 20 илјади тони тутун.