Дигитализирани над 340 илјади документи- вредно културно наследство

Повеќе од 340 илјади документи од нашето вредно културни наследство се дигитализирани. Најголем дел се материјалите од Националниот конзерваториски центар, како и од Институтот за македонски јазик „Крсте Петков Мисирков“.

Според министерката за култура Канческа- Милевска, Регионалниот центар за дигитализација на културното наследство ја следи предвидената динамика, годишно се дигитализираат околу 70 илјади материјали.

Најголем број од дигитализираниот материјал е од матичната установа за заштита на културното наследство, Националниот конзерваторски центар-Скопје. Дигитализирани се повеќе од 270.000 примероци на техничка, дескриптивна и фотодокументација на НКЦ, повеќе од 30.000 примероци од фондовите на Конзерваторскиот центар - Скопје, како и 37.000 примероци од документацијата на Институтот за македонски јазик „Крсте Мисирков“.