Попис на пчели- еднаш годишно

Наместо двапати, во иднина пописот на пчелите ќе биде еднаш годишно. Пчеларите оваа обврска треба да ја завршат до 15 април.

Секоја година на 1 април пчеларите треба да направат попис на пчелните семејства на своето одгледувалиште. 

Податоците се за овластено ветеринарно друштво, а евиденцијата  треба да ја чуваат најмалку три години.

Настанатите промени веднаш се внесуваат во Регистарот.

Во електронската база на податоци што ја води Агенцијата за храна и ветеринарство  се внесуваат резултатите од пописот, здравствената состојба на пчелите и мерките за ограничување на движењето.

Регистрираните пчеларници од ветеринарното друштво добиваат и  идентификациска табла која доколу  се оштети или се загуби, мора да се замени со нова.

Трошоците се на товар на пчеларот.

Методија Трајков