Горивата поевтинуваат за 3,5 денари по литар

Од полноќ најевтини бензини во последните години. Регулаторната комсиија за енергетика (РКЕ) ги соопшти новите цени, бензинот и дизелот ќе се точат по 3,5 денари поевтино. Со одлуката, се врши намалување на рафинериските и на малопродажните цени на нафтените деривати во просек за 14,35, односно за 8,83 отсто.

Цената на Eуросупер БС- 95 изнесува 57,5 денари за литар, Еуросупер БС- 98 ќе се продава за 59,5,  а Евродизел за 39 денари.

Малопродажната цена на екстра лесното масло за домаќинство се намалува за 4 денари за литар.

Со одлуката на РКЕ за 2,467 денари за килограм се намалува и малопродажната цена на мазутот М-1 НС и ќе изнесува 12,8 денари за килограм.

Како причина за намалувањето на малопродажната цена на нафтените дривати, од РКЕ го посочуваат за 19,51 отсто пониската просечна цена на сурова нафта на светскиот пазар во изминатите 14 дена и за 0,143 отсто повисокиот курс на доларот во однос на денарот.