Германски „Кеслер“ ќе инвестира во Македонија

Германска компанија „Кеслер“ ќе инвестира во Македонија- објави претседателот на ВМРО-ДПМНЕ, Никола Груевски на својот Фејсбук профил.

Најави дека во првата фаза ќе се отвори центар за истражување и развој и ќе се вработат десетина електро и машински инженери. Во втората фаза предвидено е отворање на погон за производство во кој би се вработиле педесетина лица.

Компанијата произведува опрема и алатки за машинско моделирање и брусење, електромотори, сензори.

Ова е прва инвестиција на „Кеслер“ надвор од границите на Германија. Компанијата има над 800 вработени.