Нови критериуми за субвенционирање на житните култури
Нови критериуми за субвенционирање на житните култури за 2016-та година. Оние кои употребуваат сертифицирано семе ќе добијат по 12.000 денари, а другите по 7.000 денари за хектар.
Производителите на пченица, житни и индустриски култури ќе добијат по 12.000 денари за хектар доколку употребиле сертифициран семенски материјал.
За другите, субвенцијата ќе изнесува 7.000 или 1.000 денари помалку од лани. Парите ќе се намалуваат процентуално во зависност од големината на засеаните површини.
Дополнителни 4.800 денари по хектар ќе се добива и за површина со големина од 10 до 50 хектари.
За оваа дополнителна субвенција исто така услов е да се употреби сетрифициран семенски материјал и да се остварени просечни приноси повеќе од 4.000 килограми за пченица, 3.000 за јачмен или 1.800 килограми по хектар за сончоглед.
Методија Трајков