Начевски и Николов на Русија - Белорусија

Не само со репрезентацијата, нашата земја на Европското првенство во Данска е претставена и со судиската двојка Ѓорѓи Начевски и Славе Николов. Нашите интернационалци со знакот на ЕХФ денеска ќе го судат натпреварот меѓу селекциите на Русија и Белорусија што директно решава која селекција ќе го избегне последното место во М2 групата , а со тоа и ќе обезбеди пласман меѓу најдобрите 10.

Досега нашата судиска двојка по еднаш им судеше на двете селекции. На Русија во поразот против Полска со 24:22, а на Белорусите во мечот против Шведска што го загубија со 30:22.