Над 5.000 мигранти чекаат за влез во Македонија

Блокиран е Коридорот 10 од грчката страна на границата во близина на железничкиот премиен Сеово. Околу 100-тина автобуси и пет илјади мигранти чекаат за влез во Македонија. Тие протестираат на бензиската пумпа во близина на гратчето Поликастро.

Од друга страна, четири синдикати на вработени во Македонски железници побараа од надлежните институции и МВР итна деблокада на пругата кај Гевгелија што ја поставиле  приватните такси превозници. Синдикатите тврдат дека е загрозена безбедноста на железничкиот сообраќај, редовната исплата на платите на вработените, а Македонски железници трпи сериозни штети.