Аневски: Специјалната обвинителка го прекршила законот
Јанева го прекршила Законот за работни односи, отстранувајќи ги двете обвинителки, заклучи Советот на јавни обвинители...
Специјалната обвинителка Катица Јанева го прекршила Законот за работни односи, отстранувајќи ги двете обвинителки, заклучи Советот на јавни обвинители. Тие се сѐ уште вработени во Специјалното јавно обвинителство, а за нивниот натамошен ангажман ќе одлучува Советот на следната седница.
„Вистинската причина јас не можам да ја утврдам. Таа вика дека е намален обемот на работа. Меѓутоа, начинот на кој се исфрлени, со помош дури и на полицаец да помага со вадење на предметите, и набрзина, без да биде известен Советот и без да бидат тие известени благовремено, кажува дека таквиот однос не е етички во најмала рака“, изјави претседателот на Советот на јавни обвинители, Петар Аневски.