Три нови електронски услуги од ФЗОМ

За осигурениците три нови електронски услуги, најавија од ФЗОМ. Електронско барање за болничко лекување, за лекови на рецепт и за вграден и потрошен материјал се трите нови електронски услуги кои ги воведува Фондот за здравствено осигурување на Македонија (ФЗОМ) за остварување на правата на осигурениците кои ги имаат врз основа на закон.

Директорот на ФЗОМ Сашо Стефаноски соопшти дека продолжуваат да промовираат нови електронски услуги во рамки на месец февруари, кој е прогласен за месец на електронски услуги. Фондот останува да биде посветен на обезбедување што поквалитетни здравствени услуги за осигурениците.