Попоски-Заоралек: Македонија нема да биде паркиралиште за мигранти

Ќе обезбедиме хуман и безбеден транзит за сите, ќе ги примениме одлуките кои се донесени на европско ниво и ќе соработуваме со сите, но нема да ја претвориме Македонија во паркиралиште за мигранти- изјави македонскиот министер за надворешни работи Никола Попоски по средбата со неговиот чешки колега, Лубомир Заоралек. Важно е да имаме соработка со Грција без при тоа да се носат еднострани решенија во однос на мигрантите, нагласи Попоски.

„Ќе обзбедиме за ској основан барател на азил сместувње и сите оние третмани за кои Македонија е обврзана на меѓународно ниво, но во никој случај нема да дозволиме да бидеме претворени во бегалски камп бидејќи ниту еден мигрант не е дојден во Македонија со падобран, сите од прв до полседен се влезени на наша територија од земја-членка на Европската унија“, изјави Попоски.

За чешкиот министер, Македонија е партнер и што поскоро треба да се реши внатрешната криза во земјава. Недвосмислено беше искажана подршката за евроатланските интеграции на Македонија.

„Секако дека не вознемири ситуацијата со внатрешно- политичката криза во Македонија, особено со деловите на владеење на правото, слободата на медиумите и сметаме дека овие проблеми треба да се решат што е можно побрзо. Би сакал во Македонија навремено да се одржат избори и истовремено оваа земја да добие претставници кои ќе бидат способни да ги решаваат проблемите кои ги има не само Република Македонија, туку и Европската унија“, нагалси министерот Заоралек.

Билатералната соработка е на високо ниво, оцениле Попоски и Заоралек. Трговската размена која изнесува 100 милиони евра треба да се зголемува, а двајцата министри покажале интерес за соработка во енергетиката и туризмот.

Миле Ристески