Иванов- Земан: Шенген зоната е во опасност, потребно е сеопфатно решение

Претседателот на Република Македонија, Ѓорге Иванов во Прага се сретна со својот домаќин, чешкиот претседател Земан. Двајцата претседатели се согласија дека Шенген зоната е доведена во опасност, a неодговорното однесување на земји членки на Унијата во заштита на надворешните граници и неисполнувањето на договорот меѓу ЕУ и Турција може да има огромни последици за целиот Балкански регион.

Иванов ќе учествува на вонредниот самит на земјите од Вишеградската група. Во фокусот на разговорите на претседателите и премиерите од Вишеградската група се предизвиците од мигрантската и бегалската криза и начините за справување со нив. Претседателот Иванов ќе се обрати на пленарната сесија на самитот и ќе присуствува на работната вечера.

Од Прага известува Зоран Богатинов