За 24 часа издадени 234 потврди за азил

Вчера биле издадени потврди за искажана намера за поднесување барање за признавање на право на азил на вкупно 234 странски државјани. Најбројни, 96 биле државјаните на Ирак, 82-ца биле државјани на Сирија, а 56 од Авганистан.

Од први јануари годинава, заклучно со вчера биле регистрирани вкупно 81.404 мигранти. Сите тие, освен 10 лица, транзитирале кон северната граница на пат кон Западна Европа.

Скоро половина од мигрантите биле Сиријци, 25.587 од Авганистан и 16.542 од Ирак.