Гана: 53 загинати во судир на автобус и камион

Најмалку 53 лица загинаа во директен судир меѓу автобус и камион во Гана. Тоа е една од најтешките сообраќајни несреќи во земјата во последните години, соопшти полицијата.

Несреќата се случила во текот на ноќта на околу 400 километри северно од престолнината Акра.

Автобусот возел за Тамале, град на северот на земјата кога се судрил со камион кој превезувал домати, соопшти регионалниот шеф на полицијата Максвел Атингане.