Нови седум проекти за младите

Студентите кои се издржуваат од самохрани родители ќе добијат за 50% пониска партиципација за студирање, оние кои ќе се запишат на државните технички факултети, а  нивните родители имаат примања пониски од просечната нето плата, двојно помала партиципација – Ова се дел од новите седум мерки за млади кои ги објави претседателот на вмро-дпмне, Никола Груевски. Најави дека ќе се гради нова национална математичка гимназија во Скопје.

Под менторство на научници од МАНУ и на универзитетски професори, средношколците ќе совладуваат напредни математички операции по специјализирани програми. Планинарно е да се возобнови учителската школа урната во земјотресот.

„Овој објект ќе биде просторно решение за некоја од државнте високообразовни установи, која во моментот нема свои простории, а младите од таа установа ќе учат во технички напредни простории и ќе имаат современи услови. На изборите народот одлучува. Изборите ќе бидат одговор кој СДСМ ќе го добие не од ВМРО-ДПМНЕ туку од граѓаните на Македонија, одговор кој ќе биде громогласно НЕ за сите нивни манипулации, афери, закани“, нагласи претседателот на ВМРО-ДПМНЕ, Никола Груевски.

Во состав на спортската сала „Борис Трајковски“, ќе се гради отворен базен, а Охриѓани ќе добијат модерен конгресен центар. Ќе се градат шест монтажни бини на кои ќе се одржуваат културни манифестации. 

Анита Димитријевска