Кривична пријава за 14 лица во вчерашната тепачка кај превојот Стража

Тетовската полиција ќе поднесе кривична пријава за 14 лица учесници во вчерашната тепачка на превојот Стража меѓу навивачите на тетовскиот фудбалски клуб „Шкендија“ и на ракометниот клуб „Будуќност“ од Црна Гора.

Со кривичната пријава се опфатени 11 навивачи од Црна Гора и 3-ца навивачи на „Шкендија“.

Лицата ќе бидат изведени пред судија во претходна постапка на гостиварскиот Основен суд, информира портпаролот на СВР-Тетово, Јосифоски.

Продолжува идентификувањето и на други учесници во тепачката и расветлување на инцидентот.

Во тепачката едно лице било прободено со остар предмет, едно добило расченици на главата, а уште 10-на побарале медицинска помош во гостиварската и во кичевската болница.