Продолжува судскиот процес за настаните во „Диво насеље“

Денеска продолжува судењето на 29-темина обвинети за тероризам за настаните од 9-ти и 10-ти мај во кумановската населба „Тоде Мендол“. Обвинетите не ги признаваат делата.

Најголем дел од нив се изјаснија дека не се виновни, а дел на последното рочиште тврдеа дека никогаш не биле во Гошинце и во Куманово.

Според обвинителството, групата била организирана на три нивоа. Командна структура од Косово ги дала наредбите на логистиката во Македонија која, пак, ги снабдувала терористите со храна, оружје и со финансии.

Доказите се поделени во два дела, едни за случајот „Гошинце“, а другите за „Диво насеље“.

Во вооружениот судир со терористичката група загинаа 8-мина полицајци, а 42-ца беа повредени.