Расте притисокот врз јужната граница, бегалците се обиделе да го пробијат граничниот кордон

Се зголемува притисокот врз јужната македонска граница. Бегалците се обиделе да го пробијат заштитниот граничен кордон и да ја урнат оградата кај граничниот камен 59, на македонско- грчката граница.

Бројот на бегалците кои се сместени на отворено кај граничниот премин Сеово на грчка страна се зголемува од час на час при што неофицијално се регистрирани околу 7 илјади бегалци.

Нема пропуштање на македонска страна бидејќи транзитниот центар во Табановце е исполнет, а Србија не пропушта влез на бегалците на нејзина територија.

Се зголемува и територијата на грчка страна по должината на македонската граница каде што се сместуваат бегалците.

Последните информации говорат за отворање камп во спортски објект во Кожани, 100-тина километри јужно од Гевгелија каде што грчките власти сместија 300 бегалци.