ДИК: Вкрстени проверки за прочистување на избирачкиот список

Државната изборна комисија ја почна вкрстената проверка на базите на податоци на МВР и на уште 10 државни институции, откако претходно, биле направени стандардизација, нормализирање и валидација на податоците.

На процесот работи експертски тим информатичари, а податоците се префрлени во единствен сервер на комисијата.

Според најавите, вкрстената проверка се очекува да трае десеттина дена, по што ќе следува и теренската контрола, за пречистување на избирачкиот список.