Претставени можностите за студирање во Русија

Триесет македонски студенти ќе имаат можност да се образуваат на најпрестижните државни универзитети во Русија. Се доделуваат целосни стипендии за прв, втор и трет циклус на студии. Претставници од Руската амбасада ги објаснија можностите за студирањето во оваа земја. Велат, позанвањето на рускиот јазик и стекнатото образование ќе ги направи студентите барани на пазарот на труд и во Македонија и во Русија.

Оние кои веќе студирале во Руската Федерација велат дека добиле огромно искуство и квалитетно образование кое им помогнало да напредуваат во кариерата.

Конкурсот за руските стипендии ќе трае до 20-ти март, а резултатите ќе бидат познати најдоцна до август. Кандидатите треба да исполнат неколку услови, а самите универзитети ќе ја донесат одлуката кој ќе добие стипендија.

Викторија Mилевска