Недостига вклученост на жената- политичар во извршната и во локалната власт

На почетокот на третиот милениум македонските жени ги имаше во политиката со само 6,6 процентна застапеност. Во 2006-та, по донесувањето на Законот за еднакви можности нивната застапеност стигна до 34 проценти, но пред сѐ во Законодавниот дом. Десет години потоа жените градоначалнички како и оние во извршната власт може да се избројат на прсти, образложи претседателката на собраниската комисија, Рангелова.

Тешки беа почетоците, особено при донесувањето на Законот. И сеуште состојбите не соодветсуваат на зацртаното во документите на Обединетите нации. Но, првата претседателка на македонското женско лоби, Лилјана Поповска, смета дека сепак се придвижуваме кон подобро.

Оценката е дека треба повеќе едукација на политичките субјекти да овозможат еднакви услови за сите во општетството. Во оваа прилика беше потенцирано да се избегнуваат политчките влијанија кога се во прашање жените и принципот на еднкави можности.

Фиљана Кока