ХЕЦ „Шпилје“: За два месеца произведени над 51 милион киловат часови електрична енергија

ХЕЦ „Шпилје“ кај Дебар, во првите два месеца од 2016-та, испорача над 51 милион киловат часови електрична енергија, што претставува 19 насто од вкупно планираното производство за годинава.

Тоа е резултат на поволната хидрологија во акумулацијата „Дебарско Езеро“ кое има резерви вода за производство на 32 милиона киловат часови, велат од ЕЛЕМ.

Дотекот на вода од реките Радика и Црн Дрим, во акумулацијата „Дебарско Езеро“ изнесува 62 кубни метри во секунда.

„Шпилје“ лани произведе 314 милиони киловат часови електрична енергија.