Поскапуваат горивата- бензинот за 3, дизелот за 2,5 денари

Од ноќеска на полноќ поскапуваат горивата – соопшти Регулаторната комисија за енергетика. Бензините ќе имаат повисоки цени за 3 денари. Литар Еуросупер 95 ќе се продава за 58 денари, цената на 98 октанскиот изнесува 60 денари. За 2,5 денари поскапува и дизелот, литар ќе се точи за 43,5 денари.

За два денара поскапува екстра лесното масло за домаќинство, а повисока цена за нешто повеќе од 1 денар ќе има и мазутот.

Во просек, малопродажните цени се зголемуваат за 6 проценти. Од Регулаторна пресметале дека цената на суровата нафта на светските берзи во изминативе две години била повисока за над 10 проценти, а за 2 отсто бил повисок и курсот на денарот во однос на доларот.