Нова авио линија Скопје- Доха

Реномираната авио компанија „Катар ервејс“ одлучи да воведе директна авио линија меѓу двете метополи Скопје и  Доха. Како што пишува на својот Фејсбук профил лидерот на ВМРО-ДПМНЕ, Никола Груевски тоа е резултат од средбата со емирот Ал Тани во Доха кога било разговарано за можностите за воведување директен авио лет.

Преку финансиската поддршка за воведување евтини авио летови досега Скопје и Охрид се поврзани со 20 градови во Европа, а до крајот на месецов ќе бидат воведени уште 3 нови дестинации кон Братислава, Копенхаген и Берлин, додека Чех Ерлајнс во мај ќе воведе линија до Прага.

Практично со постојните и новите авио линии од домашните аеродроми може да се патува до вкупно 34 дестинации, односно 35 со новата линија до Катар.

Бројот на патници од половина милион во 2005-та е зголемен на рекордни 1,5 милиони во 2015-та, пишува Груевски на Фејсбук.