Пет години од катастрофалниот земјотрес во Јапонија

Со минута молчење, во Јапонија почна одбележувањето на петтата годишнина од разорниот земјотрес, во кој загинаа и исчезнаа 18.500 луѓе. И покрај потрагата, телата на 2.561 лице се уште не се пронајдени.

Илјадници луѓе со цвеќиња и свеќи во рацете, се собраа долж 500 километарскиот брег на областа, што беше погодена од катастрофата. На националната церемонија во Токио, која ја предводеа јапонскиот цар и царица, заедно со премиерот Шинзо Абе, присуствуваа и голем број официјални лица, како и дел од преживеаните.

Земјотресот со јачина од 9 степени по Рихтер, во 2011-та го погоди североистокот на Јапонија, по што десетметарскиот Цунами го разори брегот.

Земјотресот е забележан како најсилниот во историјата на земјата.