Почна реконструкцијата на блокот „А“ од студентскиот дом „Гоце Делчев“

По целосната реконструкција и опремување на блокот „Б“ во студентскиот дом „Гоце Делчев“ во Скопје, деновиве почна и обновата на блокот „А“. Ќе следува етапна реконструкција и на преостанатите два блока, каде што студентите ќе бидат сместени додека се одвиваат градежните работи. Се очекува, зафатот да биде завршен за шест месеци, а вредноста е околу 1,5 милиони евра.

Објавена е и постапка за снабдување на студентските домови со осум нови лифтови, два лифта за домот „Кузман Јосифовски-Питу“ во Скопје, по еден лифт за „Никола Карев“ во Охрид и за  „Гоце Делчев“ во Скопје и четири лифтови за домот „Пелагонија“ во Скопје. Ќе набавиме и нов мебел за сите студентски домови во Македонија, соопшти министерот за образование и наука Абдилаќим Адеми.