„Јастребите на слободата“ одговорни за нападот во Анкара

Екстремистичката група „Јастребите на слободата на Курдистан“,  ја презеде одговорноста за самоубиствениот бомбашки напад во Анкара, во кој загинаа 37 лица.

Групата соопшти дека нападот е извршен како одмазда поради операциите во курдскиот југоисточен дел на земјата, кои траат од јули и во кои загинаа стотици цивили, припадници на безбедносните сили и екстремисти.

Групата претходно ја презеде одговорноста и за минатомесечниот напад во Анкара, во кој загинаа 29 лица.