Повисоки цени на горивата од полноќ

Од полноќ се зголемуваат малопродажните цени на нафтените деривати во просек за  4,43 проценти. Според одлуката на Регулаторната комисија за енергетика бензините поскапуваат за 2,5 денари за литар, и новата цена на безоловниот БС 95 ќе изнесува 60,50 денари, додека БС-98 ќе се продава за 62,50.

Дизелот и екстралесното поскапуваат за 1,5 денар. Литар дизел ќе се продава за 45 денари, додека екстралесното ќе чини 33,50 денари.

Нова повисока цена за 1,139 денари добива и мазутот.