Субвенции за осигурување на добитокот
И сточарите ќе можат да добиваат субвенции од државата за осигурување на добитокот. Досега ова право го имаа само земјоделците кои произведуваа храна од растително потекло...
За осигурување во сточарството, осигурителнитe компании нудат пакети за угинување на домашните животни поради болест, несреќен случај и принудно колење.
Досега сточарите целосно ја плаќаа полисата, но со измените на Законот за земјоделство ќе имаат право да поднесуваат барања за субвенционирање.
Анализите покажуваат дека во периот од 2012 до 2014 година интересот е зголемен за 62 проценти. Просечната вредност на премиите за осигурување во сточарството е скоро 12,5 милиони денари, а со 60 проценти субвенции би изнесувала 7,5 милиони денари.
Ако интересот за осигурување кај сточарите е голем, тогаш и износот за субвенционирање кој го дава државата би можел да се зголеми од 5 на 10 милиони денари.
Методија Трајков