Субвенции за проширување на земјоделските стопанства
За поголем развој на малите земјоделски стопанства се планира зголемување на субвенциите. Стопанствата ќе се класифицираат во три категории и за секое преминување во повисока категорија, кофинансирањето ќе биде поголемо.
Земјоделците ќе бидат поделени во 3 категории. За секое зголемување на производствените капацитети и поминување во повисока категорија ќе бидат субвенционирани со 70 до 90 проценти од инвестицијата.
Во првата група се земјоделците кои имаат површини до 1 хектар за овоштарство, фуражни култури и лозарство, до 5 хектари за жита и добиточна храна, а за животни до 4 крави, 100 овци, 5 кози и 5 маторици.
Втората и третата група се за поголеми капацитети.
Поддршката е наменета за земјоделци до 50 годишна возраст и за купување на земјоделско земјиште, набавка на добиток, механизација и опрема, и изградба и реконструкција на објекти.
Методија Трајков