Кери: Да се засилат напорите во борбата против тероризмот

Американскиот државен секретар Џон Кери по терористичките напади во Белгија повика да се засилат напорите во борбата против Исламска држава во Сирија и во Ирак.

За време на посетата на Москва, Кери истакна дека нападите во Брисел покажале дека заканите од тероризмот кој доаѓа од Блискиот Исток мораат да се запрат.

Меѓудругото, тој истакна и дека кревкото примирје во Сирија влијаело на намалување на насилството, но дека е потребно уште повеќе да се намали и да се зголеми приливот на хуманитарна помош.