Во Собранието констатирани оставките на министрите и замениците- министри од ДУИ

Во Собранието констатирани оставките на министрите и замениците- министри во владата од Демократската унија за интеграција. Интегративците со нов предлог за персоналниот состав во извршната власт.

Фестим Халили е предложен за министер без ресор, задолжен за европски прашања, Арбер Адеми за министер без ресор за спроведување на рамковниот договор, Валдет Џафери за министер за правда.

Во ресорот образование и наука за министер е номиниран Пиштар Лутфиу, Дритон Кучи за министер во министерството за економија. Башким Ахмети се предлага да раководи со ресорот животна средина и просторно планирање, а Шухрет Елези за локална самоуправа.

Министер без ресор, задолжен за странски инвестиции е Арлинд Зеќири. Беким Максути се предлага за заменик во министерството за одбрана, Агим Нухиу за заменик во министерството за внатрешни работи, Фатон Положани во транспорт и врски, и Гзим Беадини за заменик во финансии.

Денеска или утре се очекува да се назначат новите носители на функции, чии предлог имиња вчера ги објави ДУИ преку партиско соопштение.