Оглас за 420 грантови за самовработување

Нов оглас за грантови за самовработување. 200 илјади денари ќе добие невработен што ќе почне сопствен бизнис. Обезбедени се средства за 420 мали бизниси. Вкупниот фонд изнесува 85 милиони денари.

За годинава, појасни заменик министрерот за труд и социјална работа, Диме Спасов, за реализација на оваа мерка се обезбедени вкупно средства во висина од 207 милиони денари за финансиска поддршка на 920 мали бизниси.

„Апелирам сите невработени кои имаат идеја за основање мал бизнис да ја искористат можноста и овие неповратни финансиски средства од 200 илјади денари за основање компанија“, рече Спасов

Директорот на Агенцијата за вработување на Република Македонија, Влатко Поповски информира дека одредени граѓани кои ќе учествуваат на оваа мерка и ќе се јават на овој оглас ќе добијат дополнителни 2.000 евра неповратни средства доколку нивните бизниси бидат прогласени за иновативни, односно за економско и финансиски одржливи бизниси.