ДИК на седница ќе го разгледува извештајот за прогресот во Избирачкиот список

Државната изборна комисија (ДИК) денеска ќе одржи седница на која ќе го разгледа Извештајот за прогресот од вкрстените, теренските и административните проверки заради ажурирање на Избирачкиот список, заклучно со денешниот датум.

Членовите на Комисијата ќе го утврдуваат и начинот на постапување по прашањата од теренските проверки врз основа на Правилникот за методологијата за водење и ажурирање на Избирачкиот список.