Нов кружен тек во Скопје

Градоначалникот на Скопје, Коце Трајановски ја посети локацијата на која се гради нов кружен тек на улицата 16-та Македонска бригада. Проектот вреден 45 милиони денари ќе биде завршен до јуни годинава, најави Трајановски.

Градоначалникот Трајановски истакна дека на терен е веќе поставена атмосферската канализација, дека е формирана новата кружна крстосница која се подготвува за асфалтирање, а завршено е и поставувањето на уличното осветлување.

Во моментов се работи на поставување на тротоарите каде што се редат бекатон-плочки. Овој нов кружен тек ќе придонесе за побрзо и побезбедно одвивање на сообраќајот и очекувам градежните работи да бидат целосно завршен во јуни, изјави Трајановски.

Тој се осврнал и на преоостанатите инфраструктурни проекти кои во моментов се реализираат од Градот Скопје, нагласувајќи дека градот Скопје и оваа пролет ја продолжува градежната офанзива во сите 10 општини за помодерно и поурбано Скопје.