Боко Харам објави нова снимка со киднапираните девојчиња

Нигериската исламистичка група Боко Харам објави нова видео снимка, на која наводно се дел од 276-те девојчиња, кои беа киднапирани на денешен ден пред две години во градот Чибок.

Видео-снимката е снимена најверојатно во декември минатата година и е испратена до владата во Нигерија, а на неа се прикажани 15 девојчиња во црна облека, кои се претставиле како ученички киднапирани од училиштето.

Некои од девојчињата биле препознаени од нивните родители. Ова е прва снимка на девојчињата од мај 2014 година.