Студенти од Правниот факултет побараа професорите да го соопштат својот став за одлуката на Иванов

Стотина студенти од Правниот факултет ја прекинаа наставата и побараа професорите да го соопштат својот став за одлуката на претседателот Иванов за аболицијата.

Тие рекоа дека иако функцијата на Иванов како редовен професор е ставена во мирување, Правниот факултет бил најповикан да го соопшти својот став за она што се случува.

Групата побара и да се ослободат нивни колеги кои биле повредени за време на демонстрациите.