Софија загрижена за состојбата во Македонија
„Како добар сосед и во својство на претседател на Процесот за соработка на Југоисточна Европа, Бугарија е подготвена да соработува за изнаоѓање на решение“- истакнал Плевнeлиев за време на разговорот, пренесува неговата прес- служба.
Бугарскиот претседател Росен Плевнeлиев во телефонски разговор со претседателот на републиката Ѓорге Иванов изразил загриженост за случувањата во Скопје и надеж за намалување на тензиите.
„Како добар сосед и во својство на претседател на Процесот за соработка на Југоисточна Европа, Бугарија е подготвена да соработува за изнаоѓање на решение“- истакнал Плевнeлиев за време на разговорот, пренесува неговата прес- служба.
Тој изразил убеденост дека за враќање кон политичката стабилност ќе придонесе организирањето фер и демократски избори, согласно законот и во интерес на сите граѓани.
Шефот на бугарската држава подвлекол дека последните години Бугарија исто така помина низ политички кризи. Решението, според него, е во дијалогот, во почитување на правилата, на принципот на владеење на правото и на Уставот.