Еквадор: 272 загинати по силниот земјотрес

Билансот на жртвите од силниот земјотрес во Еквадор достигна 272 лица, а 2.068 се повредени. Во шест провинции во земјата е прогласена вонредна состојба.

Еквадорскиот министер за правда Леди Сунига изјави дека околу 100 затвореници избегаа од затвор по земјотресот, од кои 30 биле уапсени во провинцијата Манаби, која беше една од најтешко погодените од потресот со интензитет од 7,8 степени.